2018 թվականի նոյեմբերի 22-ին Մոսկվայում կայացած «Եվրասիական Տնտեսական Ինտեգրացում» XIII ամենամյա միջազգային համաժողովում «Էներգետիկայի Հայկական Գործակալություն» հիմնադրամի Խորհրդի նախագահ Հայկ Հարությունյանը հանդես է եկել որպես հրավիրված խոսնակ «Էներգետիկա՝ հավասարակշռելով ավանդական և նորագույն էներգիայի աղբյուրները» նստաշրջանի շրջանակներում։

Հ. Հարությունյանն իր ելույթում ներկայացրել է Հայաստանի էներգետիկ համակարգի կառուցվածքային առանձնահատկությունները, ինչպես նաև կիսվել Էներգետիկայի Հայկական Գործակալության տեսլականով վերականգնվող էներգետիկայի զարգացման ու ապագայի առնչությամբ: 

Միջոցառման մասնակից- երկրները փաստել են, որ Հայաստանը զբաղեցնում է առաջատար դիրքեր ԵԱՏՄ երկրների շրջանակներում վերականգնվող էներգետիկայի զարգացման տեմպերով:

Եվրասիական Զարգացման Բանկի հովանավորությամբ անցկացված համաժողովին մասնակցում էին նախարարությունների և գերատեսչությունների, Եվրասիական տնտեսական հանձնաժողովի ղեկավարներ, ազգային ընկերությունների, միջազգային ֆինանսական կազմակերպությունների, բանկի անդամ երկրների ակադեմիական և գործարար շրջանակների ներկայացուցիչներ, գիտնականներ եւ փորձագետներ արտերկրից:

2008թ․-ից անցկացվող ամենամյա համաժողովը արդյունավետ հարթակ է ֆինանսական կառույցների, պետական և մասնավոր հատվածների ընկերությունների հաղորդակցության և փորձի փոխանակման համար։