Ուրախ ենք հայտնել, որ  «Լուսավոր Սահման» բարեգործական ծրագրի շրջանակում ևս մեկ սահմանամերձ գյուղ լեդաֆիկացվեց: Սույն թվականի նոյեմբերի 9-ին այցելեցինք ՀՀ Տավուշի մարզի Սևքար սահմանամերձ համայնքի բնակիչներին:
«Էներգետիակայի հայկական գործակալություն» հիմնադրամի «Լուսավոր Սահման» բարեգործական ծրագրի այս փուլը  իրականացվել է «Ընտանիքը`ընտանիքին» նախաձեռնության հանգանակությունների և «ԵՄ-ն քաղաքացիական հասարակությանը. էնեգաարդյունավետությունը Հայաստանի համայնքներում» ծրագրի շրջանակներում «Ազգային սոցիալական բնակարանային ասոցիացիա» հիմնադրամի ենթադրամաշնորհի աջակցությամբ:
Հիմնադրամի անունից շնորհակալություն ենք հայտնում բոլոր նրանց, ովքեր աջակցեցին և մասնակից դարձան սոցիալական պատասխանատվության այս առաքելության իրականացմանը սահմանամերձ գյուղերում: Մասնավորապես, շնորհակալ ենք «Ազգային սոցիալական բնակարանային ասոցիացիա» հիմնադրամին, Սևքարի համայնքապետարանին, «Երիտասարդ ինժեներների ասոցիացիա» ՀԿ-ին, բուհերի և ավագ դպրոցների մեր սիրելի կամավորներին, «Ընտանիքը`ընտանիքին» նախաձեռնության նվիրատուներին:

Հիշեցնենք, որ 33000-ից ավել բարձր որակական հատկանիշներ ունեցող, լաբորատոր ստուգաչափում անցած և 3 տարի երաշխիքային ժամկետ ունեցող LED լամպեր արդեն իսկ տրամադրվել են ավելի քան 6600 ընտանիքների, որոնք բնակվում են 30 սահմանամերձ համայնքներում: Միջին հաշվարկներով էներգախնայողությունը 30 համայնքներում տարեկան կտրվածքով կազմում է ավելի քան 4.3 մլն կՎտժ (195 մլն ՀՀ դրամ):

Սևքար համայնքը տեղակայված է ՀՀ պետական սահմանից 6 կմ հեռավորության վրա: Համայնքի զբաղեցրած տարածքը կազմում է 4790 հա: Բնակչության հիմնական զբաղմունքը գյուղատնտեսությունն է, մասնավորապես՝ անասնապահություն և այգեգործություն: